Grýzııa GELt tsıfrlyq larıin shyǵarýdy josparlap otyr
ASTANA. KAZINFORM – Grýzııa bıligi eldiń tsıfrlyq valıýtasy GELt jobasyn iske qosýdy josparlap otyr. Jobany halyqaralyq Tether kompanııasy ázirleıdi, dep habarlaıdy Kazinform agenttiginiń menshikti tilshisi.
Grýzııa premer-mınıstri Iraklıı Kobahıdze ınvestıtsııalyq jobanyń tanystyrylymynda Tether-pen yntymaqtastyq el ekonomıkasynyń damýyna jańa serpin beretinin aıtty.
Onyń sózinshe, joba tek qarjy salasyn ǵana emes, áleýmettik jáne bilim berý baǵyttaryn da qamtıdy.
Kobahıdze seriktestiktiń negizgi baǵyttarynyń biri grýzın larıiniń tsıfrlyq balamasy — GELt shyǵarýǵa arnalatynyn atap ótti.
Onyń aıtýynsha, shamamen 200 mlrd dollar aktıvti basqaratyn Tether tsıfrlyq tehnologııalar salasyndaǵy álemdik kóshbasshylardyń biri sanalady jáne dástúrli ekonomıka men tsıfrlyq ekonomıkanyń arasyndaǵy kópir qyzmetin atqarady.
Premer-mınıstrdiń málimetinshe, kompanııa Grýzııada ártúrli baǵyttar boıynsha aýqymdy ınvestıtsııalyq jobalardy júzege asyrýdy josparlap otyr. Sonymen qatar bul áriptestik kommertsııalyq múddeden bólek, qoǵamdyq ıgilikke de baǵyttalǵan.
— Tether kompanııasynyń Grýzııaǵa kelýi halyqaralyq ınvestorlar úshin mańyzdy belgi. Bul bizdiń elge degen senimniń artyp kele jatqanyn kórsetedi, — dedi Iraklıı Kobahıdze.
Grýzııa bıligi Tether-pen seriktestikti tsıfrlyq ekonomıkany damytý, ınnovatsııalyq qarjy quraldaryn engizý jáne halyqaralyq tehnologııalyq kompanııalardy tartý strategııasynyń bir bóligi retinde qarastyryp otyr.
Buǵan deıin qazaqstandyq kompanııalardyń Grýzııada logıstıka jáne energetıka salalaryndaǵy jobalardy júzege asyryp jatqany habarlanǵan edi.
Aıta ketelik Qazaqstan–Grýzııa: agroónerkásiptegi ózara saýda 116 mln dollarǵa jetken edi.
