Grýzııa EO-dan 46 mln. eýro kómek alatyn boldy
ASTANA. QazAqparat - Eýro komıssııa Grýzııa eline jańa qarjylyq kómek kórsetedi, dep habarlady trend.az.
Eýroodaqtyń Grýzııadaǵy ókildiginiń habarlaýynsha, atalǵan elge 46 mıllıon eýro bólý týraly memorandýmǵa EO-nyń Ekonomıka jáne qarjylyq máseleler boıynsha eýrokomıssary Per Moskovısı qol qoıdy.
Grýzııa qarjylaı kómekti aldaǵy jyly eki transh túrinde alady, solardyń biri nesıe, ekinshisi grant bolmaq.
«Biz Grýzııanyń ekonomıkalyq damýǵa baǵyttalǵan reformalaryn iske asyrý protsesindegi makroekonomıkalyq turaqtylyqty saqtaý jáne Eýroodaqpen birigýge kúsh salyp otyrǵanyn qoldaımyz», - dep atap ótti eýrokomıssar. EO-tyń qarjylyq kómegi Grýzııa úkimetiniń reformalaryn, atap aıtqanda ekonomıka jáne EO-pen ekonomıkalyq birigýge kúsh salatyn baǵdarlamalaryn qoldaýǵa baǵyttalǵan.
