Grýzııa elektr energııasy eksportyn bes ese arttyrmaq
ASTANA. KAZINFORM – Grýzııa 2036 jylǵa qaraı energııa óndirýdiń belgilengen qýatyn 2,5 ese arttyryp, shamamen 11,5 myń MVt-qa jetkizýdi, elektr energııasy eksportyn bes ese ulǵaıtýdy jáne ımportqa táýeldilikti is júzinde nólge deıin tómendetýdi josparlap otyr, dep habarlaıdy Sınhýa.
Bul týraly eldiń ekonomıka jáne turaqty damý mınıstriniń orynbasary Inga Phaladze málimdedi.
Inga Phaladzeniń aıtýynsha, Grýzııanyń energetıkalyq saıasatynyń basty mindeti – syrtqy jetkizilimderge barynsha táýelsiz, qaýipsiz, turaqty ári ıkemdi energııa júıesin qalyptastyrý. Ol bul maqsatqa jetý úshin Grýzııada aıtarlyqtaı tabıǵı áleýet bar ekenin atap ótti. Qazirgi ýaqytta eldiń energııa júıesiniń belgilengen qýaty shamamen 4780 MVt. Onyń shamamen 3500 MVt-y gıdroenergetıkaǵa tıesili.
Inga Phaladze qazirgi ýaqytta elde jalpy qýaty shamamen 6000 MVt bolatyn 312 belsendi energetıkalyq joba bar ekenin aıtty. Onyń ishinde qýaty 1530 MVt gıdroenergetıka, 2340 MVt jel energetıkasy jáne 2090 MVt kún energetıkasy jobalary bar.
Buǵan deıin Grýzııanyń eńbek naryǵynda 2026 jyly belsendiliktiń tómendegeni, bos jumys oryndarynyń sany qysqaryp, jumys kúshine degen suranys qurylymynyń aıtarlyqtaı ózgergeni habarlanǵan bolatyn.
Aıta ketelik Grýzııada ruqsatsyz jumys istegender 5 jylǵa deıin elden shyǵarylýy múmkin.
