Grýzııa eks-premeri qamaýǵa alyndy
ASTANA. 23 mamyr. QazAqparat - Grýzııanyń Kýtaısı qalasynyń soty burynǵy premer-mınıstr Vano Merabıshvılıdi 2 aıǵa qamaý týraly sheshim shyǵardy.
Ol "qyzmet ókiletin teris paıdalandy" dep aıyptalyp otyr.
Vano Merabıshvılı men burynǵy densaýlyq saqtaý mınıstri Zýrab Chıaberashvılı 21 mamyrda tutqyndalǵan edi. Chıaberashvılı 13 myń AQSh dollary kóleminde kepil tólep qamaýdan bosatyldy.
Merabıshvılı men Chıaberashvılı "22 myńnan astam partııa belsendisin eńbek mınıstrliginiń eńbekaqy qoryna tirkep qoıǵan" degen kúdikke ilingen. Eks-premer men burynǵy mınıstr - prezıdent Mıhaıl Saakashvılıdiń jaqtastary. Prezıdent "olardyń tutqyndalýynyń saıası astary bar" dep málimdedi.
Eýropa odaǵynyń syrtqy saıasat jónindegi joǵarǵy komıssary Ketrın Eshton men uıymnyń keńeıýi máselelerimen aınalysatyn komıssar Shtefan Fıýle Grýzııa bıligin qos saıasatkerdiń isin tergeýde saıası faktordy aralastyrmaýǵa shaqyrdy.
2012 jyly qazan aıynda Grýzııa parlamentinde Bıdzına Ivanıshvılıdiń koalıtsııasy basym daýysqa ıe bolyp, úkimetti jasaqtady. Burynǵy úkimettiń keıbir músheleri men sheneýnikteri, kóbinese prezıdent Saakashvılıdiń jaqtastary tutqyndalyp, tergeýge alyndy, dep habarlaıdy «Azattyq».
