Grýzııa ekonomıkasy ótken jyl aıtarlyqtaı ósti – Dúnıejúzilik bank
TBILISI. QazAqparat – Grýzııa ekonomıkasynda ósý kórsetkishteri baıqalýda. Bul týraly Dúnıejúzilik banktiń (DB) «Jahandyq ekonomıkalyq perspektıvalar» jańa baıandamasynda aıtylǵan, dep habarlaıdy QazAqparat tilshisi Georgia Today agenttigine silteme jasap.
«COVID-19 pandemııasynan keıin ishki suranystyń qalpyna kelýi, týrızmniń jandanýy jáne Reseıden aqsha aýdarymdarynyń artýy Grýzııanyń ekonomıkalyq ósýine aıtarlyqtaı yqpal etti. Sońǵy baǵalaý boıynsha, 2022 jyly ol 10%-dy qurady», - delingen DB baıandamasynda.
Alaıda qujatqa sáıkes, Grýzııada ekonomıkalyq ósim 2023 jyly 10 paıyzdan 4 paıyzǵa deıin tómendeıdi dep kútilýde. Bul ekonomıkalyq seriktes elderdegi (EO elderi) ósý kórsetkishiniń baıaýlaýymen jáne keletin aqsha aǵynynyń azaıýymen baılanysty.
Bank aqparatynda jahandyq ekonomıkalyq ósimniń 2023 jyly 1,7%, al 2024 jyly 2,7% bolatyna kórsetilgen.
Avtor: Serikbol Qoshmaǵanbetov
