Grýzııa blekaýttan keıin elektr qýatymen jabdyqtaýdy tolyq qalpyna keltirdi
ASTANA. KAZINFORM — 24 shilde túninde bolǵan iri apattyq sóndirýden keıin Grýzııanyń búkil aýmaǵy boıynsha elektr qýaty tolyǵymen qalpyna keltirildi, dep habarlaıdy Grýzııanyń memlekettik elektr júıesi.
Mamandar apattan keıin elektr qýatymen jabdyqtaýdy kezeń-kezeńimen qalpyna keltirýdi bastady. Apattyq-qalpyna keltirý jumystary kezinde Mtsheta-Mtıanetı aımaǵynda jáne Tbılısıdiń aıtarlyqtaı bóliginde, sondaı-aq el astanasynyń Dıdýbe, Vake, Mtatsmında jáne Krtsanısı aýdandarynda elektr qýaty ishinara qalpyna keltirildi.
Elektr qýaty sondaı-aq Kýtaısı, Chıatýra, Sachhere, Onı jáne Ambrolaýrıdiń jekelegen aýdandarynda qalpyna keltirildi.
Keıinirek Grýzııanyń memlekettik elektr júıesi búkil el boıynsha elektr qýaty tolyǵymen qalpyna keltirilgenin habarlady.
Kompanııa elektr júıesindegi aqaýdyń naqty sebebin anyqtaý jumystary jalǵasyp jatqanyn atap ótti.
Osyǵan deıin Tbılısıde túnde jaýǵan nóser jaýyn Grýzııa astanasynyń keıbir aýdandarynda sý tasqynyna ulasyp, ınfraqurylym men jol jamylǵylaryna aıtarlyqtaı zaqym keltirgenin jazdyq.
