Grýzııa Ázerbaıjan jáne Armenııa shekarasyna deıin jańa avtoban salady
ASTANA. KAZINFORM — Grýzııa Rýstavı — Krasnyı most jáne Algetı — Sadahlo avtomagıstraldarynyń ýchaskelerin salýǵa arnalǵan halyqaralyq tenderlerdi qaıta jarııalady. Joba aıasynda jalpy uzyndyǵy 61,2 shaqyrym bolatyn tórt jolaqty avtomagıstral salynady. Jańa jol Grýzııanyń jol jelisin Ázerbaıjanmen shekaradaǵy «Krasnyı most» baqylaý-ótkizý beketimen, sondaı-aq Armenııamen shekaradaǵy Sadahlo baǵytymen baılanystyrady.
Avtomagıstral halyqaralyq Shyǵys — Batys jáne Soltústik — Ońtústik kólik dálizderiniń bir bóligine aınalady.
Joba sheńberinde 26 kópir, 11 jolaıryq jáne jol qozǵalysy qaýipsizdiginiń halyqaralyq talaptaryna saı syrtqy jaryqtandyrý júıesi salynady.
Qurylys jumystary Eýropalyq ınvestıtsııalyq banktiń nesıesi jáne Grýzııa memlekettik bıýdjetiniń birlesken qarjylandyrýy esebinen júzege asyrylady. Jobalyq qujattamany Dúnıejúzilik banktiń qoldaýymen Nıderland kompanııasy ázirlegen.
Buǵan deıin Grýzııanyń Avtomobıl joldary departamenti alǵashqy konkýrs kúshin joıǵannan keıin atalǵan joba boıynsha halyqaralyq tenderlerdi qaıta jarııalaǵan bolatyn.
Sondaı-aq buǵan deıin AQSh prezıdenti Donald Tramptyń kompanııasy Grýzııa astanasynda eldegi eń bıik ǵımarat bolatyn Trump Tower Tbilisi kópfýnktsıonaldy kesheniniń qurylysy josparlanyp otyrǵanyn habarlaǵan edi.
