Grýzııa Ázerbaıjan óndirgen janarmaıdy Armenııaǵa bir rettik tranzıtteýdi tegin qamtamasyz etedi

ASTANA. KAZINFORM – Grýzııa ekonomıka jáne turaqty damý mınıstrligi Ázerbaıjannan Armenııaǵa jóneltiletin munaı ónimderiniń alǵashqy tranzıti úshin tólem alynbaıtynyn málimdedi.

Grýzııanyń Birinshi qoǵamdyq telearnasy habarlaǵandaı, mınıstrlik bul túsiniktemeni Ázerbaıjan BAQ-ynda jarııalanǵan, tarıftik kedergiler otynnyń temirjol arqyly jetkizilýine tosqaýyl bolyp otyr degen aqparattan keıin taratty.

— 5 jeltoqsanda Grýzııa úkimeti Ázerbaıjannan Armenııaǵa el aýmaǵy arqyly bir rettik janarmaı tranzıtin qamtamasyz etý jóninde seriktes elderden resmı suraý aldy. Premer-mınıstr Iraklıı Kobahıdzeniń sheshimimen «Grýzııa temir jolyna» bul júktiń tasymalyn óteýsiz negizde uıymdastyrý tapsyryldy. Bul sheshim barlyq múddeli qurylymdarǵa resmı túrde jetkizildi, — delingen vedomstvo habarlamasynda.

Mınıstrlik Grýzııanyń Armenııa jáne Ázerbaıjan úshin árdaıym strategııalyq ári senimdi seriktes bolyp kelgenin, sondaı-aq aımaqtaǵy beıbitshilik pen óńirlik yntymaqtastyqty turaqty túrde qoldaıtynyn atap ótti.

Aıta keteıik, qarasha aıynyń basynda Armenııaǵa Ázerbaıjan aýmaǵy arqyly Qazaqstannan alǵashqy partııa – jalpy salmaǵy 1000 tonna bolatyn 15 vagon bıdaı jetkizilgen edi.