Grýzınder Stalınniń murajaıyn onyń qurbandarynyń murajaıyna aınaldyrmaq
ASTANA. 11 sáýir. QazAqparat - Keńestik dıktatordyń týǵan jeri - grýzınniń Gorı qalasyndaǵy ornalasqan Iosıf Stalın atyndaǵy murajaı stalındik qýǵyn-súrgin qurandaryna arnalǵan murajaı bolyp qaıta qurylmaq, dep habarlady «Lenta.rý».
Bul týraly respýblıkalyq mádenıet jáne eskertkishterdi qorǵaý mınıstrligi málim etti.
«Mádenıet mınıstrliginiń, stalındik qýǵyn-súrgin qurbandary urpaqtarynyń jáne Keńestik ámirshil júıeni zertteýshilerdiń qoldaýymen Stalın atyndaǵy murajaı stalınızm murajaıyna, sol kezeńniń aqtańdaqtary jaıly shynaıy aqparat beretin orynǵa aınalady», - delingen mnıstrliktiń habarlamasynda.
Stalın atyndaǵy memlekettik murajaı 1937 jyly keńestik kóshbasshysynyń tiri kezinde sol kezde Grýzın KSR Kompartııasy Ortalyq Komıtetiniń birinshi hatshysy bolǵan Lavrentıı Berııanyń bastamasymen ashylǵan bolatyn. Búginde munda 47 myń jádigerlik saqtalǵan. Murajaı keshenine Stalın dúnıege kelgen memorıaldyq úı, ekspozıtsııalarǵa arnalǵan ǵımarat, Tegranda, ıAltada jáne Potsdamda bolǵan odaqtastarmen kezdesýge barǵan Stalınniń jeke vagony kiredi. Murajaıda dıktatordyń jeke zattary da saqtalǵan.
Budan buryn 2010 jyldyń ózinde Grýzııada Stalınniń kóptegen eskertkishteri buzylyp alynǵany habarlanǵan bolatyn. Solarmen birge Gorıdaǵy músini de qalanyń ortalyq alańynan murajaı aýmaǵyna kóshirildi. Sonymen qatar Tbılısıde respýblıkanyń KSRO quramynda bolýyna, Grýzııada bolǵan qýǵyn-súrgin qurbandary men keńestik úkimetke qarsy qozǵalystarǵa arnalǵan Keńestik jaýlaý murajaıy ashyldy.
