Grýzın sarapshysy etnıkaaralyq kelisimdi durys menedjmenttiń quraly dep atady
BAKÝ. QazAqparat - Qazaqstan sııaqty áralýandylyqqa baı ult álemde kem de kem, dep esepteıdi grýzın sarapshysy Gela Veladze. Ol óziniń pikirimen «QazAqparat» HAA menshikti tilshisine bergen suhbatynda bólisti.
Sarapshynyń aıtýynsha, bir de bir memleket, eshbir ult monoetıkalyq emes, sonymen birge álemde ata-babasy bir etnos joq.
«Men «ult» degen túsinikti eýropalyq maǵynada qoldanyp otyrmyn, ıaǵnı - memleket-ult. Shyǵys kilemderiniń qalaı toqylatynyn kórgen bolarsyzdar. Jańa ult ta solaı qurylady. Júz otyz etnos degenimiz Qazaqstan memleketiniń kilemindegi júz otyz túrli tús. Bul kilem kóztartarlyq ekendigin aıta ketý kerek», - dep salystyrdy G.Veladze.
«Etnıkaaralyq kelisim men beıbitshilik baǵdarlamasy - Qazaqstannyń ishki qoǵamyndaǵy ıntegratsııalyq protsesti durys basqarýdyń mańyzdy quraly», - dep atap ótti ol.
«Aqparattyq tehnologııalar damyǵan zamanda ýaqytyly sheshim qabyldap, táýekelderge nazar aýdara bilý eldiń damýyn qamtamasyz etedi. Qazaqstannyń baı tarıhy, jańa tehnologııalar men halyq danalyǵyna negizdelgen baǵdarlama dál osy maqsatty júzege asyrýǵa baǵyttalǵan», - dep túıindedi sarapshy.
