Groznyıdaǵy arnaıy operatsııa barysynda 21 adam jaraqattanyp, 4 adam qaza tapty
ASTANA. QazAqparat - Búgin túnde Sheshenstan astanasy Groznyıda sodyrlardyń kózin joıý boıynsha arnaıy sharada barysynda 21 adam jaraqattanyp, tórteýi mert boldy.
Bul týraly TASS agenttigine medıtsına salasyndaǵy derekkóz habarlady.
"Barlyǵy 25 adam japa shekti, tórteýi qaza tapty, 21 adam aýrýhanaǵa jetkizildi: úsheýi aýyr halde, al 18-iniń jaǵdaıy ortasha", - dedi derekkóz.
Beısenbi kúni túngi saǵat bir shamasynda úsh avtomobılge mingen belgisiz adamdar toby Groznyıdaǵy jol patrýldik qyzmet qosynyna shabýyl jasady. Keıin olar respýblıkalyq gazetter, ınternet-basylymdar jáne federaldy BAQ ókildigi ornalasqan Baspa úıine kirdi. Groznyı ortalyǵynda kontrterrorlyq operatsııa rejimi engizildi.
Ulttyq lańkestik áreketke qarsy komıtet aqparatynsha, arnaıy operatsııa barysynda jeti sodyr óltirildi. Sheshenstan basshysy Ramzan Qadyrov aıtqandaı, bular respýblıkada iri terakt jasaýdy josparlaǵan.
Sonymen qatar, kúsh qurylymdary Groznyı ortalyǵyndaǵy mektepterdiń birinde sodyrlardyń taǵy bir tobyn qorshaýǵa aldy.
