Groznyıda Reseıdegi eń bıik ǵımarattyń qurylysy bastaldy
ASTANA. QazAqparat - Sheshenstan astanasy - Groznyıda «Ahmet Taýer» záýlim ǵımaratynyń qurylysy bastaldy, dep habarlady Ýtro.rý.
400 metrlik «Ahmat-Taýer» záýlim ǵımaraty 108 qabatty jáne ejelgi sheshen kúzet munarasy túrinde salynbaq. Záýlim ǵımaratta keńseler, 500 nómirlik qonaqúı, júzge tarta «lıýks» klasty turǵyn apartamentter, birneshe fıtnes-ortalyqtar men basseınder, sondaı-aq Ahmet qajy Qadyrovtyń murajaıy bolmaq. Joba boıynsha qaraıtyn jáne tikushaq qonatyn alańdar qarastyrylǵan.
Qurylystyń quny shamamen 120-500 mıllıon dollarǵa baǵalanady.
