Groznyıda Muhammed paıǵambardyń (s.a.s.) týǵan kúnin toılap jatyr
ASTANA. 25 qańtar. QazAqparat - Musylman álemi Paıǵambarymyz Muhammed Mustafanyń (s.a.s.) týǵan kúnin atap ótip jatyr.
Muslim.kz saıtynyń jazýynsha, Reseıde mundaı aıtýly shara Groznyı qalasynda da shymyldyǵyn ashty. Sheshenstannyń astanasyna merekelik otshashýdy kórý úshin myńdaǵan adam jınaldy.
Máýlit - musylmandardyń Qurban aıt pen Oraza aıttan keıin toılaıtyn úshinshi aıtýly meıramy. Musylmandar dástúr boıynsha Muhammed Paıǵambardyń (s.a.s.) ónegeli ómirin eske túsiredi. Jýyrda Groznyıǵa musylmandar qadyr tutatyn jádigerler ákelindi. Paıǵambarymyzdyń ıisi sińgen (s.a.s.) kóıleginiń bir pushpaǵy men múbárak shashyn, sondaı-aq, onyń qyzy Fatımanyń buıymdaryn arnaıy reıspen Arab Ámirlikterinen aldyrdy.
