Groznyıda boıjetken ózin-ózi jaryp jiberdi
GROZNYI. QazAqparat - Belgisiz qyz bala Groznyıdyń shetki jaǵyndaǵy baqylaý-ótkizý beketi aýmaǵynda ózin-ózi jaryp jibergen. Bul týraly Sheshen Respýblıkasy ishki ister mınıstri mindetin ýaqytsha atqarýshy Aptı Alaýdınov málim etti, dep habarlaıdy QazAqparat TASS agenttigine silteme jasap.
Aptı Alaýdınovtyń sózine qaraǵanda, senbide shamamen 16.00-de boıjetken Groznyıdyń Staropromyslovsk aýdanynyń shetki jaǵyna ornalasqan nómiri 21-inshi polıtsııanyń federaldyq beketine jaqyndap kelgen.
Onyń júris-turysynyń kúdikti ekenin ańǵarǵan qyzmetkerler toqtaýyn jáne qujatyn kórsetýin suraǵan. Biraq ol bul talapty oryndamaı alǵa qaraı umtylǵan. Polıtseıler odan qoldan jasalǵan jarylǵysh qurylǵyny baıqap qalyp, eskertý oǵyn atqan. Sol mezette qyz ózin-ózi jaryp jiberdi»,- dedi Alaýdınov.
Jergilikti turǵyndar men kúsh qurylymdary qyzmetkerleri arasynda qurban bolǵandar men zardap shekkender joq.
