Groznyıda Arbı Baraevtyń kúdikti úzeńgilesi quryqtaldy
ASTANA. 19 qańtar. QazAqparat - Groznyıdyń Zavod aýdanynda mılıtsıonerler Arbı Baraevtyń bandalyq tobynyń kúdikti qatysýshysyn quryqtady, dep habarlaıdy GZT.RU.
Oqıǵa Chernoreche poselkesinde ótken seısenbi, shamamen kúndizgi saǵat úsh kezinde oryn aldy, dep habarlady RIA «Novostı» agenttigine respýblıkanyń quqyq qorǵaý organdaryndaǵy aqparat kózi. Ony tutqyndaý jedel-izdestirý sharalarynyń nátıjesinde múmkin boldy.
Kúsh qurylymdarynyń habarlaýynsha, ustalǵan Shaılov 1998 jyldyń mamyrynan jeltoqsanyna deıingi aralyqta Arbı Baraevtyń qylmystyq tobynyń is-áreketine belsene aralasqan. Qazir ol tekserilý ústinde.
Baraev 2001 jyldyń maýsym aıynda FQQ júrgizgen arnaıy operatsııa kezinde qaza tapty.
