Grossmeıster D.Sadýaqasova jas shahmatshylardyń sheberligin synap kórdi (FOTO)
ASTANA. QazAqparat - Búgin Astanada áýesqoılar arasynda Halyqaralyq shahmat kúnine arnalǵan týrnır ótti. Qalanyń jas shahmatshylary álemniń úsh dúrkin chempıony, halyqaralyq grossmeıster Dınara Sadýaqasovamen bir ýaqytta uıymdastyrylǵan seansqa qatysyp, baq synap kórdi, dep habarlady qalalyq ákimdiktiń baspasóz qyzmetinen.
Halyqaralyq shahmat kúni Álemdik shahmat federatsııasynyń bastamasymen 1966 jyldan beri atalyp keledi. Bul kúni túrli sport sharalaryn ótkizý Astanada ıgi dástúrge aınalǵan. Bıyl óner, ǵylym men sportty ushtastyrǵan sporttyq saıys «Shahmat alleıasynda» ótti. Sharaǵa Astana qalasy týrızm, dene shynyqtyrý jáne sport basqarmasynyń basshysy Berik Marjyqpaev, shahmattan álem chempıony Dármen Sadýaqasov qatysty.
