Gross trenajerin jasaýshy ıÝhan Gross Túrkistandaǵy sal aýrýy bar balalarǵa kómekke keldi
Sheteldikter qaladaǵy №16 mekteptiń psıhologııalyq-pedagogıkalyq túzetý kabınetindegi emdik qondyrǵy qımyl-qozǵalysy buzylǵan balalardy ońaltýǵa kómektesýde, dep habarlaıdy QazAqparat tilshisi.
Jergilikti nusqaýshylarǵa sheberlik sabaǵyn ótkizgen shynyǵý quralynyń avtory ıÝhan Gross mánerlep syrǵanaýdan Estonııanyń tórt dúrkin chempıony, álemge aty áıgili sportshy. Ol óz shákirtterin jattyqtyrýǵa arnalǵan trenajerdi osydan jarty ǵasyr buryn oılap tapqan. Ýaqyt óte bul qondyrǵynyń sal aýrýynyń zardabyn tartqan balalardy, Daýn sındromy, ortopedııalyq jáne nevrologııalyq patologııasy bar balalardy emdeýge tıimdi ekendigi belgili boldy.
Óńirde zerde buzylystary bar jáne erekshe bilim berýdi talap etetin balalarǵa arnalǵan 16 psıhologııalyq-pedagogıkalyq túzetý kabıneti jumys isteıdi. Onda naýqas balalarǵa logoped, psıholog, defektolog mamandary kómek beredi. Múmkindigi shekteýli oqýshylar jalpy mektepterde bilim ala otyryp, ınklıýzıvti kabınetterde em qabyldaıdy. ıÝhan Gross munda sal aýrýyna shaldyqqan jetkinshekterdiń dene salmaǵyn tómendetýge, estý-sóıleý qabileti men aqyl-oıynyń damýyna da kómektesýde.
Aıta keteıik, oblysta estý, kórý, til kemistigi men aýytqýy sekildi zerde buzylystary bar 22 myńnan astam bala bar. Olardyń 3 myńǵa jýyǵyna ustazdar úılerine baryp sabaq berse, qalǵandary mektep-ınternattarynda jáne jalpy orta mektepterde bilim alady.
