Grıven men rýbl bıyl álemdegi eń álsiz valıýtalar boldy
ASTANA. QazAqparat - Reseı rýbli álsirep, jańa rekordtar jasaýda. RBK Quote rýbldiń basqa álemdik valıýtalardyń qasynda qalaı kórinetinin anyqtaýdy sheshti.
Rýbldiń sońǵy eki aptada kúrt qunsyzdanýy toqtaıtyn emes - tek qarasha aıynda ǵana dollardyń baǵamy ishki reseılik naryqta 24 paıyzǵa ósti, valıýtanyń bul túri kún saıyn jańa tarıhı rekordtar ornatýda. RBK Quote rýbldiń basqa álemdik valıýtalardyń qasynda qalaı kórinetinin jáne óz aqsha birliginiń tómendep jatqan satyp alýshylyq qabileti jaǵdaıynda ómir súrip otyrǵan basqa elderdiń bar-joǵyn anyqtaýdy sheshti.
Devalvatsııa qarqyny boıynsha rýbl tek grıvenge jol berdi: bıylǵy jyldyń basynan beri reseılik valıýta dollarǵa shaqqanda óz qunynyń 40 paıyzdaı úlesin joǵaltsa, ýkraınalyq valıýta - 46 paıyz úlesinen aıyryldy. Qalǵan «álsiz» valıýtalar kóshbasshylardan alshaqtaý qashyqtyqta tur: olardan keıin turǵan ganalyq sedı men argentınalyq peso nebári shırekke qunsyzdandy.
