Grıgorıı Lomakın Úndistandaǵy týrnırde ekinshi kezdesýin jeńispen túıindedi
ASTANA. KAZINFORM — Qazaqstandyq tennısshi, álemniń 933-raketkasy Grıgorıı Lomakın Bangalor (Úndistan) chellendjer týrnıriniń irikteý saıysyn sátti aıaqtady.
Іrikteý saıysynyń 11-raketkasy bolyp tirkelgen qazaqstandyq tennısshi aldymen reıtıngide 1 558-oryndaǵy aýstralııalyq Ardjýn Mehrotrany kambekpen jeńdi — 6:7 (4:7), 6:3, 6:1.
Іrikteýdiń fınalynda G.Lomakın búgin reıtıngide 958-satydaǵy japonııalyq Rıotaro Tagýchımen kezdesti.
Birinshi partııada japonııalyq tennısshi 7:5 esebimen basym túskenimen, Grıgorıı bul joly da kambek jasaı bildi — 6:1, 7:6 (7:2).
Eki saǵat 22 mınýtqa sozylǵan tartysty básekede Lomakın 14 eıspen birge 3 breık-poınttyń ekeýin paıdalandy. Tagýchı 10 eıs, 1 breıkpen (7 breık-poınt) shekteldi.
Osylaısha, Grıgorıı Lomakın negizgi jarysqa joldama aldy.
Búgin jańartylǵan ATP reıtıngisinde qazaqstandyq tennısshi 945-ten 933-ke kóterildi.
Ótken aptada G.Lomakın Bangalordaǵy osyndaı dodada juptyq synda fınalǵa deıin jetken edi.
Eske sala keteıik, budan buryn Anna Danılınanyń álemdik reıtıngide TOP-ke qaıta kirgenin jazǵan edik.
Sondaı-aq Aleksandr Býblık álemdik reıtıngide úzdik kórsetkishin qaıtalady.
