Grıgorıı Lomakın Túrkııadaǵy týrnırdi sátti bastady
ASTANA. KAZINFORM — Qazaqstandyq tennısshi, álemniń 909-raketkasy Grıgorıı Lomakın Samsýn (Túrkııa) chellendjer týrnıri irikteý saıysynyń fınalyna shyqty.
Qazaqstandyq tennısshi irikteý saıysynyń jartylaı fınalynda álemdik reıtıngide 1 126-oryndaǵy bolgarııalyq Vıktor Markovtyń mysyn basty.
Eki set te 7:5 esebimen G.Lomakınniń paıdasyna sheshildi.
Eki saǵattan astam ýaqytqa sozylǵan tartysty básekede Lomakın 6 eıspen birge 7 breık-poınttyń ekeýin qur jibergen joq. Markov 2 eıspen shekteldi.
Grıgorıı Lomakın irikteý saıysynyń fınalynda álemniń 508-raketkasy, frantsııalyq Konstantın Bıttýn-Kýzmın nemese reıtıngide 952-satydaǵy túrkııalyq Kerem Iylmazdyń qaı jeńgenimen oınaıdy.
Eske sala keteıik, budan buryn Aleksandr Býblıktiń Aýstrııadaǵy týrnırde chempıondyq ataǵyn qorǵaı almaǵanyn jazǵan edik.
Sondaı-aq Astanada tennısten Qazaqstan jazǵy chempıonatynyń jeńimpazdary anyqtaldy.
