Grıgorıı Lomakın Qytaıdaǵy týrnırdiń shırek fınalyna shyqty
ASTANA. KAZINFORM — Qazaqstandyq tennısshi Grıgorıı Lomakın juptyq synda Ýnın (Qytaı) chellendjer týrnırin jeńispen bastady.
Grıgorıı Lomakın ózbekstandyq tennısshi Sergeı Fomınmen birge alǵashqy aınalymda taǵy bir qazaqstandyq Beıbit Juqaev — reseılik Semen Pankınge tap keldi.
Qazaqstandyq-ózbekstandyq jup nebári 57 mınýtta 6:3, 6:2 esebimen jeńiske jetti.
Báseke barysynda Lomakın — Fomın 7 eıspen birge 8 breık-poınttyń teń jartysyn qur jibergen joq. Juqaev — Pankın 1 eıspen shekteldi.
Grıgorıı Lomakın — Sergeı Fomınniń shırek fınaldaǵy qarsylastary keıin belgili bolady.
Grıgorıı Lomakın men Beıbit Juqaevtyń jekeleı syndaǵy joly sátti bola qoıǵan joq. Lomakın irikteý saıysynyń fınalynda reseılik Alıbek Kachmazovqa 1:6, 1:6 esebimen ese jiberdi.
Beıbit negizgi jarystyń alǵashqy aınalymynda reseılik ıAroslav Demınge jol berdi — 4:6, 4:6.
Taǵy bir qazaqstandyq, álemniń 210-raketkasy Tımofeı Skatov búgin Shanhaı (Qytaı) ATR 1000 týrnıri irikteý saıysynyń fınalynda jeńilis tapty. Ol álemniń 185-raketkasy, aýstralııalyq Bernard Tomıchten óte almady — 5:7, 4:6.
Eske sala keteıik, budan buryn Anna Danılınanyń Beıjiń týrnıriniń kelesi aınalymyna ótkenin jazǵan edik.
