Grıgorıı Lomakın Qytaıdaǵy týrnırdiń fınalyna joldama aldy

ORAL. KAZINFORM — Qazaqstandyq tennısshi Grıgorıı Lomakın juptyq synda Annın (Qytaı) ITF M25 týrnıriniń fınalyna shyqty.

Jarystyń 2-raketkalary bolyp tirkelgen qazaqstandyq sportshy taılyq Vıshaııa Trongcharoenchaıkýlmen birge 1/8 fınalda qytaılyqtar Dınjen Nıma – Jengý Sýnnyń meselin qaıyrdy – 6:4, 6:4.

Shırek fınalda qazaqstandyq-taılyq jup kort ıeleri Ksırýı Han — Veıtao Sıýıdan basym tústi – 6:2, 6:4. 

G.Lomakın – V.Trongcharoenchaıkýl jartylaı fınalda ońtústikkoreıalyqtar San-ýı Shın – Seongbın Shımdi joldan taıdyrdy – 7:5, 3:6, 10:8. Bul báseke 1 saǵat 20 mınýtqa sozyldy.

G.Lomakın jekeleı synda eki saǵatqa jýyq ýaqytqa sozylǵan matchta ońtústikkoreıalyq Vý Bın Shınnen 4:6, 4:6 esebimen jeńilis taýyp, shırek fınaldan tys qaldy.

Eske sala keteıik, budan buryn Jibek Qulambaevanyń Germanııadaǵy jarystyń jartylaı fınalyna ótkenin jazǵan edik.