Grıgorıı Lomakın Qytaıdaǵy týrnırde top jardy
ASTANA. KAZINFORM — Qazaqstandyq tennısshi Grıgorıı Lomakın juptyq synda Maanshan (Qytaı) ITF M15 týrnırinde chempıon atandy.
Qazaqstandyq tennısshi aýstralııalyq Djoshýa Charltonmen birge jarystyń birinshi raketkasy bolyp tirkelgen edi.
G.Lomakın men D. Charlton fınalda dodanyń ekinshi raketkalary, ońtústikkoreıalyq Son Vý Cho — qytaılyq ıAn Tszytszıanmen betpe-bet keldi.
Birinshi partııada Lomakın men Charlton 6:2 esebimen basymdylyq tanytty. Ekinshisinde qarsylastary qarymta qaıyrdy — 6:4. Degenmen sýper taı-brekte qazaqstandyq-aýstralııalyq jup jeńisti julyp aldy — 10:7.
Taǵy bir qazaqstandyq, 19 jastaǵy Sonıa Jıenbaeva juptyq synda reseılik Ekaterına ıAshınamen birge Chjenchjoý (Qytaı) ITF W35 týrnıriniń fınalynda jarystyń birinshi raketkalary, qytaılyqtar ıÝıtszıa Hýan — Ýshýan Chjenge ese jiberdi — 3:6, 2:6.
Eske sala keteıik, budan buryn Sonıa Jıenbaevanyń Qytaıdaǵy týrnırde chempıondyq ataqqa talasatynyn jazǵan edik.
Sondaı-aq Jibek Qulambaeva Bolgarııadaǵy jarystyń fınalyna joldama aldy.
