Gretsııa jaǵalaýynda 6,4 magnıtýdalyq jer silkinisi boldy

ASTANA. KAZINFORM - Gretsııa jaǵalaýynda 6,4 magnıtýdalyq jer silikinisi tirkeldi. Bul týraly Eýropa - Jerorta teńizi seısmologııalyq ortalyǵy habarlady, dep jazady reseılik TASS.

Ortalyqtyń málimetteri boıynsha, zilzalanyń oshaǵy 2,2 myń turǵyny bar Karpatos aralynan ońtústikke qaraı 66 km qashyqtyqta jatyr, tereńdigi 14 km.

Zardap shekkender men qurban bolǵandar týraly málimet joq. Tsýnamı qaýpi týraly eskertý bolǵan joq.

Jerasty dúmpýi Mysyr aýmaǵyna da sezildi.

Osyǵan deıin Ystanbuldaǵy jer silkinisinen keıin qala syrtyndaǵy úılerge suranys kúrt artqany týraly jazdyq.

Megapolıstiń kóptegen turǵyndary kópqabatty úılerden bas tartyp, balamaly, seısmıkalyq jaǵynan qaýipsizdeý turaq izdeýge kóshti.