Gretsııa: Saharadan shyqqan shań aspandy qyzǵylt sary túske boıady

ASTANA. KAZINFORM – Grekııany taǵy da sahara shańy basyp qaldy. Afınyda aýa sapasy nasharlap, aspan sarǵysh túske boıaldy, dep jazady Euronews.

Grekııanyń ońtústigi saharadan soqqan shań tolqynynan tutastaı sarǵysh túske orandy.

Kóbi Afınyda túsirilgen beınelerdi Mars peızajdarymen baılanystyrady. Keıbir aımaqtarda aýa sapasy nasharlady. Jergilikti bılik respıratorlyq aýrýǵa shaldyqqan adamdardyń daladaǵy ýaqytyn shekteýge shaqyrdy.

Sınoptıkterdiń boljamynsha, aspan jaqyn arada ashylýy kerek. Buǵan jeldiń ózgerýi jáne temperatýranyń tómendeýi yqpal etedi.

Uqsas jaǵdaı Shveıtsarııa men Frantsııada da baıqalǵan.