Greta Týnbergke aıyppul salyndy
ASTANA.QazAqparat – Shvetsııanyń Malme qalasynyń soty belgili ekologııalyq belsendi Greta Týnbergke 20 maýsym kúngi qala portyndaǵy narazylyqtar kezinde polıtsııaǵa baǵynýdan bas tartqany úshin aıyppul saldy, dep habarlaıdy QazAqparat BBC-ge silteme jasap.
Sol kúni Greta men onyń jaqtastary porttaǵy munaı tıelgen júk kólikteriniń jolyn jaýyp tastady. Shvedtik ekologııalyq belsendiler osylaısha qazbaly otyndy paıdalanýǵa narazylyqtaryn bildirdi.
Týnberg kinásin moıyndamady, biraq sot basqasha sheshim qabyldady. Belsendige 2500 shved krony (shamamen 240 dollar) kóleminde aıyppul salyndy.
