Greta Týnberg pen «Sýmýd» flotılııasynyń 70-ten asa belsendisi Izraılden shyǵarylady

ASTANA. KAZINFORM — Palestınany qoldaıtyn «Sýmýd» flotılııasynyń 70-ten astam múshesi, onyń ishinde shved belsendisi Greta Týnberg dúısenbi kúni Izraılden shyǵarylady, dep habarlaıdy TASS aqparat agenttigi. 

Bul týraly Agence France-Presse agenttigi dıplomatııalyq qyzmet ókilderine silteme jasap habarlady.

Olardyń málimetinshe, evreı memleketinen 9 shved, 28 frantsýz, 27 grek jáne 15 ıtalıan azamaty shyǵarylady. Ustalǵandardyń kópshiligi Grekııaǵa jetkiziledi dep shamalanyp otyr.

Túrli elderge tıesili 40-tan astam kemeden turatyn «Sýmýd» flotılııasy qyrkúıek aıynyń ortasynda Týnısten Gazaǵa jol tartty. Mıssııa mindeti aımaqtyń qorshaýyn buzýǵa jáne anklavqa gýmanıtarlyq kómek jetkizýdi edi. 

Izraıl bıligi belsendilerdiń áreketin arandatýshylyq dep sanaıtynyn jáne olardyń kemeleriniń Gaza jaǵalaýyna jaqyndaýyna jol bermeıtinin birneshe ret málimdegen. Aqyry Izraıl áskerı-teńiz flotynyń kemeleri Gaza sektory úshin gýmanıtarlyq júk tıelgen flotılııany toqtatty. 

Belsendiler flotılııasynyń Gaza sektoryndaǵy teńiz blokadasyn buzý áreketi eshqandaı qıyndyqtarsyz aıaqtaldy. 

Frantsııa parlamentiniń depýtaty, Halyqaralyq Global Sumud flotılııasynda qatysýshy Marı Mezmer shabýyldyń Rım statýty boıynsha «soǵys qylmysy» retinde baǵalanatynyn málimdedi. 

BUU-nyń Adam quqyqtary jónindegi joǵarǵy komıssarynyń ókili Tamın Al-Hıtan flotılııaǵa Grekııa jaýapty izdeý-qutqarý (SAR) aımaǵynda ushqyshsyz ushaqtar (BPLA) arqyly jasalǵan shabýyldarǵa pikir bildire otyryp, ony aqylǵa syımaıtyn áreket dep atady.

Kazinform úshin arnaıy TASS aqparat agenttigi usynǵan.