Grepplıngten Azııanyń alǵashqy chempıonaty Astanada ótedi
ASTANA. QazAqparat - Grepplıng súıer qaýym úshin aıtýly shara 2-3 qyrkúıek kúnderi elordanyń «Dáýlet» sport kesheninde ótedi. Bul týraly Grepplıng federatsııasynyń prezıdenti Qanat Alınge silteme jasap Astana ákimdiginiń baspasóz qyzmeti habarlady.
Qazaqstan týrnırdi ótkizý quqyǵyna ıe bolý úshin irikteýge qatysyp, BAÁ men Úndistan syndy elderdi basyp ozdy.
«Halyqaralyq týrnırdi ótkizý - bizdiń federatsııa úshin óte jaýapty sharanyń biri. Búgingi tańda grepplıng kóptegen elderde keń tanylǵan jekpe-jek túri. Grepplıng - túrli palýandar tártibiniń tehnıkalaryn biriktiretin sıntetıkalyq kúrestiń túri», - dedi Q.Alın.
Búgingi tańda jarystyń uıymdastyrýshylary 30 eldiń sport federatsııalarymen kelissózder júrgizýde. Qyrǵyzstan, Tájikstan, Ózbekstan, Japonııa, Úndistan, Pákistan jáne taǵy basqa elder ózderiniń qatysatynyn rastady.
«Osy kúni bizde Azııa aýqymyndaǵy eń myqty komanda bar. Aldaǵy chempıonatta qurama komandalary jalpykomandalyq esepte birinshi oryndy alýǵa atsalysatyn bolady», - dedi Q.Alın.
