Grepplıngten álem chempıonatynda el namysyn kimder qorǵaıdy
ASTANA. QazAqparat - Búgin Astanada grepplıngten respýblıkalyq chempıonat óz máresine jetip, jeńimpaz atanǵan balýandar álem chempıonatyna joldama aldy, dep habarlaıdy QazAqparat tilshisi.
Keshe bastalǵan básekeli saıystyń búgin fınaly bolyp, myqtylar anyqtaldy. Jarysta elimizdiń ár aımaǵynan barlyq sany 100-den asa sportshy baq synasty.
Eki kúnge sozylǵan tartysty kúres nátıjesinde «Qazaq batyry» tıtýlyn jeńip alǵan 22 balýan (15 er adam, 7 áıel adam) ústimizdegi jyldyń qyrkúıek aıynda Qazaqstanda alǵash ret ótetin álem chempıonatynda el namysyn qorǵaıdy.
«Alda grepplıngten álem chempıonatyn ótkizý mindeti tur. Halyqaralyq deńgeıdegi aıtýly shara elimizde alǵash ret qolǵa alynyp jatqandyqtan, jaýapkershilik joǵary. Balýandarǵa kelsek, respýblıkalyq chempıonatqa deıin ulttyq quramany jasaqtaý úshin aldyn ala irikteý týrnıri ótti. Budan bólek, óńirlerdegi kúresshiler tys qalmasyn degen maqsatpen elimizdiń 5 oblysynda aımaqtyq týrnır uıymdastyryldy. Birneshe kezeńnen turatyn, ıaǵnı aımaqtyq týrnır, Qazaqstan kýbogi, Qazaqstan chempıonatynan ozyp shyǵyp, óz kúshterin dáleldegen myqtylar ǵana álem chempıonatyna joldama aldy», - dedi QR grepplıng qaýymdastyǵynyń prezıdenti Qanat Alın.
Aıta keteıik, grepplıng - dzıýdo, sambo, djıý-djıtsý, erkin, grek-rım jáne basqa da kúrestiń barlyq stılin qamtıtyn jekpe-jektiń bir túri. Grepplıngtiń artyqshylyǵy - sportshylar eki sektsııa boıynsha kúresedi.
2018 jyldyń 6-9 qyrkúıek kúnderi Astanada alǵash ótetin grepplıngten álem chempıonatynda Qazaqstan namysyn qorǵaıtyn balýandar:
Seıdildaeva Ǵalııa 53 kg
Ábilqadyrova Áıgerim 53 kg
Qulyntaı Farıza 58 kg
Omar Gúlmaral 58 kg
Myńbaev Narıman 62 kg
Mýhortov Vladıslav 62 kg
Nabıýllına Assel 64 kg
Qasymbaı Muratbek 66 kg
Orazaly Aıbar 66 kg
Ibragımov Janbolat 71 kg
Káripjanov Danııar 71kg
Berikbolova Gúlnár 71 kg
Sultahanova Zarına 71 + kg
Baqytov Azamat 77 kg
Qusaıynov Ańsaǵan 77 kg
Mańǵlaev Talǵat 84 kg
Dazaev Goıtı 84 kg
Albanov Abý-Bakır 92 kg
Tóleshev Qajyǵalı 100 kg
Abyzov Baqdáýlet 100 kg
Sartbaev Rýstam100+ kg
Ábýsalıhov Sáýlet 100 + kg
