Grenlandııada jahandyq jylyný saldarynan alyp muzdyq erı bastady
ASTANA. QazAqparat - Grenlandııada, ǵalamshardaǵy eń iri araldyń qalqany sanalatyn «Zachariae Isstrom» muzdyǵy jaryla bastady.Ǵalymdardyń aıtýynsha, bul qubylys ǵalamshardaǵy temperatýranyń kóterilýine baılanysty. Muzdyq jyldam qarqynmen erip jatqandyqtan, álemdik muhıt deńgeıi shamamen 50 santımetrge kóterilýi múmkin, dep jazady sheteldik BAQ.
Grenlandııa muzdyqtary tolyqtaı erigen jaǵdaıda, álemdik muhıt deńgeıi 6 metrge kóteriledi. Sonyń saldarynan muhıt mańyndaǵy kóptegen aýdandardy sý basýy múmkin. Aral jaǵalaýynan jańa muzdyqtar bólinse, jyl saıyn álemdik muhıtqa 5 mıllıard tonna sý qosylatyny belgili. Osy aıdyń sońynda Parıjde BUU konferentsııasy ótedi dep josparlanǵan. Oǵan álemniń kóptegen elderiniń kóshbasshylary qatysady. Onda jahandyq jylynýǵa qarsy is-qımyl máselelerine qatysty kelisimder jasalynbaq.
