Grenlandııa premeri turǵyndardy syrttan jasalýy yqtımal áskerı shabýylǵa daıyn bolýǵa shaqyrdy
ASTANA. KAZINFORM – Grenlandııa premer-mınıstri Iens-Frederık Nılsen Arktıka aralynyń halqy men bıligi bul stsenarıı ekitalaı bolyp qalyp otyrsa da yqtımal áskerı basyp kirýge daıyndala bastaýy kerek ekenin málimdedi.
- Áskerı qaqtyǵys bolýy ekitalaı, biraq ony joqqa shyǵarýǵa bolmaıdy, - dep málimdedi Nılsen seısenbide ótken baspasóz máslıhatynda.
Onyń aıtýynsha, Grenlandııa úkimeti adamdarǵa kúndelikti ómirde bolýy yqtımal kez kelgen qıyndyqtarǵa daıyn bolýǵa kómektesý úshin jergilikti bılik ókilderinen turatyn jumys tobyn qurady.
Financial Review málimetinshe, úkimet halyqqa jańa usynystardy, sonyń ishinde úıde bes kúnge jetetin azyq-túlik qoryn jınaý týraly usynys jasady.
- Grenlandııaǵa qazir qatty qysym kórsetilip jatyr jáne biz qazir kez kelgen jaǵdaıǵa daıyn bolýymyz kerek», - dedi qarjy mınıstri Mýte Boerýp Egede sol baspasóz máslıhatynda.
Seısenbi kúni AQSh prezıdenti Donald Tramp Truth Social paraqshasynda óziniń jasandy ıntellekt arqyly jasalǵan aralǵa amerıkalyq tý tigip turǵan sýretin jarııalady.
57 myń halqy bar Grenlandııa Danııa Koroldiginiń quramyna kiredi, biraq qorǵanys pen syrtqy saıasattan basqa ómirdiń kóptegen salalaryn basqaratyn óz úkimeti bar.
Danııa jáne NATO-ǵa múshe jeti el qaýipsizdikti nyǵaıtý maqsatynda ótken aptada «Arktıkalyq tózimdilik» operatsııasy aıasynda aralǵa azdaǵan ásker jiberdi. Sońǵy kúnderi Danııa Grenlandııaǵa qosymsha ásker jiberdi.
Grenlandııa gazetiniń seısenbi kúni habarlaýynsha, Danııanyń Arktıkalyq birlesken qolbasshylyǵy jyl boıy ótkizilýi múmkin áskerı jattyǵýlar aýqymyn keńeıtedi.
Tramp buǵan deıin ózi Amerıkanyń ulttyq qaýipsizdigi úshin sheshýshi mánge ıe dep sanaıtyn Grenlandııany basyp alý múmkindigin joqqa shyǵarmaǵan bolatyn. Ótken aptada Aq úı basshysy onyń josparyna qarsy shyqqan eýropalyq elderden keletin taýarlarǵa tarıfter jarııalady.
AQSh prezıdenti Donald Tramp Danııa, Norvegııa, Shvetsııa, Frantsııa, Germanııa, Ulybrıtanııa, Nıderlandy jáne Fınlıandııany qosa alǵanda, birqatar eýropalyq eldiń taýarlaryna baj salyǵy engiziletinin málimdedi.