Grenlandııa muzdyqtarynyń jyldam erýi toqtamasa, muhıttaǵy sý deńgeıi 6,4 metrge kóterilmek
ASTANA. 26 shilde. QazAqparat - Ǵarysh keńistigin zertteý jáne aeronavtıka boıynsha AQSh ulttyq basqarmasy jerserigi arqyly túsirilgen fotosýretterdi taratty.
Onda Grenlandııada erip jatqan muzdyqtar alańdarynyń kúrt artqany baıqalady, tek 4 kúnniń ishinde ǵana joǵary temperatýranyń saldarynan muzdyń erýi 50 paıyzdan 97 paıyzǵa deıin kóterilgen, dep habarlady ITAR-TASS.
Muzdyq qazirgi ýaqytta Grenlandııa aýmaǵynyń 80-ge jýyq paıyzyn jaýyp jatyr, ol álemdik muzdyqtardyń 20 paıyz qoryn qamtıdy. Ǵalymdardyń pikirlerinshe, eger barlyq grenlandııalyq muz erip keter bolsa, álemdik muhıttyń sý deńgeıi 6,4 metrge kóteriledi.
