«Gremmı-2026»: Kendrık Lamar Jay-Z rekordyn jańartty

ASTANA. KAZINFORM — Jeksenbi kúni keshke, 1 aqpanda Los-Andjeleste mýzyka salasyndaǵy eń bedeldi 68-shi «Gremmı» syılyǵynyń marapattaý rásimi ótti. Bıyl bul shara burynǵydan da saıası sıpat aldy.

Bıylǵy «Gremmı» syılyǵynyń ıegeri 38 jastaǵy reper Kendrık Lamar boldy, osy joly ol bes marapatqa ıe boldy (bıyl eń nomınatsııanyń eń kóp sany — toǵyz sanatta nomınatsııalanǵa), dep jazdy VVS. 

Ol tarıhta eń ataqty rep oryndaýshysy atanyp, Jay-Z-den asyp tústi — endi ol Gremmı-diń barlyǵy 26 syılyǵyna ıe.

Naqtyraq aıtqanda, Lamar óziniń GNX albomy úshin, sondaı-aq «Úzdik rep-kompozıtsııa», «Úzdik áýezdi rep oryndaý» jáne «Úzdik rep oryndaýy» nomınatsııalary boıynsha «Gremmı» aldy. 

Nomınatsııalar sany boıynsha ekinshi orynda — Ledı Gaga (ol jeti sanat boıynsha marapattarǵa úmitker boldy). Ánshi «Úzdik vokaldyq pop-albom» («Mayhem»), «Úzdik án», «Úzdik bı jazbasy» («Abracadabra») jáne «Úzdik remıks» nomınatsııalary boıynsha «Gremmı» syılyǵyn jeńip aldy.

Óz sózinde ánshi áıel mýzykanttardy ózderiniń shyǵarmashylyq kózqarastaryn qorǵaýǵa shaqyrdy.

— Keıde er adamdarǵa toly stýdııaǵa barǵanda qıyn ekenin bilemin. Biraq men sizderdi ánderińiz úshin, prodıýser retinde kúresýge shaqyramyn. Sizdi tıisinshe estıtindeı jasaýǵa shaqyramyn, — dedi ol.

Baıqaýdyń qazylar alqasy syılyq alý kezinde emotsıonaldy saıası sóz sóılegen pýertorıkalyq reper Bed Bannıdiń «Debi Tirar Mas Fotos» jınaǵyn «Jyldyń úzdik albomy» dep tanydy. 

Ol Latyn Amerıkasynda reggeton stılindegi «Debi Tirar Mas Fotos» albomy úshin marapatqa ıe boldy. Bul Gremmı tarıhynda tolyǵymen ıspan tilinde oryndalǵan albomnyń bas júlde jeńip alǵan alǵashqy oqıǵa.

— Qudaıǵa alǵys aıtpas buryn, men: «ICE joıylsyn!» dep aıtamyn, — dedi mýzykant  saltanattyń basynda «Úzdik ýrban-albom» sanatynda taǵy bir marapatty alǵan kezde.

Onyń sózderi Mınnesotada narazylyq bildirýshiler Rene Nıkol Gýd pen Aleks Prettıdi atyp óltirgen ICE qyzmetkerleriniń áreketterine qatysty boldy. Prezıdent Donald Tramp ákimshiligi barlyq zańsyz ımmıgranttardy deportatsııalaýdy talap etip, osyǵan baılanysty ICE túrli qalalarda olarǵa qarsy qaýmalaý júrgizip jatyr, bul qadamǵa kóptegen amerıkalyq qarsy shyqty. 

— Biz varvar emespiz, biz janýarlar emespiz, biz sheteldikter emespiz, biz adambyz jáne biz amerıkalyqpyz, — dep málimdedi Bed Bannı.

Osy kezde rásimge kóptegen qatysýshy onyń sózderin qoldap oryndarynan turdy.

Keıbireýleri «Ice joıylsyn!» degen jazýy bar belgishelerdi taǵyp keldi. 

«Úzdik án» amalymy boıynsha («Wildflower») Gremmı syılyǵyn jeńip alǵan ánshi Bıllı Aılısh te narazylyq aktsııalaryna shaqyrdy.

— Qazir ne aıtý jáne ne isteý kerektigin túsiný óte qıyn. Meniń oıymsha, biz tek kúresýdi, ashyq sóıleýdi jáne narazylyq bildirýdi jalǵastyrýymyz kerek. Bizdiń daýystarymyz shynymen de mańyzǵa ıe, al adamdar mańyzdy, — dedi ol.

«Úzdik jańa ártis» ataǵyn 26 jastaǵy brıtandyq ánshi Olıvııa Dın jeńip aldy. Lola ıAng «Messy» ánimen «Úzdik pop-solo oryndaý» úshin jeńiske jetti, al ánshi Doechii-diń «Anxiety» áni «Jyldyń mýzykalyq klıpi» atandy.

Buǵan deıin Gollıvýdta «Oskar» nomınanttary jarııalanǵanyn jazǵan bolatynbyz.