Grekııanyń jaǵalaý kúzeti sýǵa batyp ketken kemede bolǵan 26 bosqyndy izdestirýde
ASTANA. QazAqparat - Grekııa jaǵalaý qyzmeti Lesbos aralynan shyǵysqa qaraı kemeniń sýǵa batyp ketýi saldarynan teńizde joǵalǵan 26 bosqyndy izdestirýde.
Jaǵalaý kúzeti ókilderiniń aıtýynsha, teńizdegi adamdardy jeksenbi tańerteń Eýropalyq odaqtyń Syrtqy shekara qaýipsizdigi jónindegi agenttigine ("Fronteks") tıesili tikushaǵy baıqaǵan, dep málimdedi Assoshıeıted press.
Eki keme oqıǵa ornyna baryp, 20 adamdy qutqarǵan. Bosqyndardyń aıtýynsha, bortta 46 adam bolǵan.
Júzdegen myń bosqyndar (negizinen Sırııa men Aýǵanstannan) osy jyly kórshi Túrkııa jaǵalaýynan Grekııaǵa kelgen.
Qyrkúıektiń basynda Grekııa kóshi-qon isteri mınıstri ıAnıs Mýzalas Taıaý Shyǵys pen Afrıka elderinen aralǵa kelgen bosqyndar sanynyń kóptiginde baılanysty Lesbos apattyń az-aq aldynda turǵanyn habarlady.
