Grekııanyń Rodos araly otqa orandy, myńdaǵan týrıst evakýatsııalanyp jatyr

ASTANA. QazAqparat – Grekııanyń kóptegen aýdandary men Rodos araldaryndaǵy qaraǵaıly orman órtke orandy. Myńdaǵan jergilikti turǵyn men týrıster úıleri men qonaqúıden evakýatsııalandy, dep habarlaıdy QazAqparat VVS-ge silteme jasap.

Araldyń shyǵysyndaǵy jaǵdaı tipti qıyn. Jaǵajaıdaǵy adamdardy jeke qaıyq pen jaǵalaý kúzeti kemeleri evakýatsııalap jatyr.

Aqparat boıynsha, týrıster arasyndaǵy tanymal jerge Grekııa flotynyń kemesi de bara jatyr.

Grekııanyń órt kúzeti basshysynyń orynbasary qazir qyzmetkerleri eldiń kóptegen aýdanyndaǵy órtpen kúresip jatyr, biraq eń kúrdelisi Rodos araldary bolyp tur.

Kıotarı aýdanynda úsh qonaqúıdi órt sharpydy. Ony sóndirý úshin 5 tikushaq pen 173 órt sóndirýshi jumys istep jatyr.

Keshe Rodosqa jergilikti komandaǵa kómektesý úshin Slovakııadan órt sóndirýshiler jetti.

Búgin Grekııada tipten aptap ystyq bolýy múmkin. Meteorologtar temperatýra 45°C deıin kóterilýi yqtımal ekenin eskertti.

Grekııa ulttyq meteorologııa qyzmetiniń dereginshe, aptap ystyq jeksenbi kúni sharyqtaý shegine jetedi.

Eń qıyny, dúısenbi kúni úzilisten keıin Grekııada ystyqtyń ekinshi tolqyny bastalyp, kelesi jeksenbige deıin jalǵasady.