Grekııanyń metro qyzmetkerleri taǵy da ereýilge shyqpaq
ASTANA. 2 qyrkúıek. QazAqparat - Grekııada taǵy da demonstratsııalar bastalyp jatyr. Búgin el astanasy Afına qalasynda metro men tramvaı qatynasy toqtap tur. Kásipodaqtar 24 saǵattyq ereýilge shyqpaq. Olar úkimettiń metro qyzmetkerleriniń sanyn azaıtý josparyna narazy. Jalpy, Grekııada úkimettiń qatań únemdeý sharalaryna qatysty narazylyq aktsııalary jıi ótip turady.
Degenmen, bılik ókilderiniń málimdeýinshe, Eýroodaq pen Halyqaralyq valıýta qorynan nesıe alyp, defolttan qutylý úshin mundaı sharalar elge aýadaı qajet. Aıta ketý kerek, jeksenbi kúni Grekııada áýe dıspetcherleri kúndizgi saǵat 2-den 6-ǵa deıin jumystaryn toqtatady dep josparlanyp otyr.
