Grekııanyń eks-mınıstri zaıybymen birge bas bostandyǵynan aıyryldy
ASTANA. QazAqparat - Afıny soty Grekııanyń ekonomıka jáne qorǵanys mınıstri Ioannıs (ıAnnos ) Papantonıý men onyń zaıyby Stavrýlý Kýrakýdy 1,3 mln. eýro kiristi jasyrǵany úshin shartty túrde tórt jylǵa bas bostandyǵynan aıyrdy, dep habarlady sheteldik BAQ.
Papantonıýǵa 2009 jylǵy deklaratsııada Shveıtsarııa bankindegi esebine aýdarylǵan somany málimdemegeni úshin aıyp taǵylyp otyr.
Úkimge sáıkes túrme merziminiń ár kúni 10 eýroǵa baǵalandy. Sheshim sotqa shaǵymdanǵanǵa deıin shartty bolyp tabylady.
Beısenbi kúni 2008 jylǵy salyq dekaratsııasyna naqty málimet bermegen Papontonıýdiń ekinshi isi qaralady.
65 jastaǵy Papantonıý 1994 jyly ulttyq ekonomıka mınıstri, 1996-2001 jyldary ulttyq ekonomıka jáne qarjy mınıstri, 2001-2004 jyldary qorǵanys vedomstvosynyń basshysy bolǵan. Ol Grekııanyń Eýropalyq valıýta odaǵyna kirýine bastamashy bolǵan.
