Grekııanyń burynǵy prezıdenti qaıtys boldy
ASTANA. QazAqparat - Grekııanyń burynǵy prezıdenti Konstantınos Stefanopýlos 90 jasta Afına aýrýhanalarynyń birinde kóz jumdy. Onyń ókpesi qabynǵan. Bul týraly Frans Presske silteme jasap RIA Novostı habarlady.
Konstantınos Stefanopýlos 1926 jyly dúnıege kelgen. 1974-1981 jyldary úkimette túrli mınıstrlikterdi basqardy. 1995 jyly naýryz aıynda Grekııa prezıdenti bolyp saılandy. Ómiriniń sońyna deıin ol eldegi eń qurmetti jáne tanymal memleket basshylarynyń biri boldy.
