Grekııanyń basyna túsken kemshilik barshaǵa ortaq kemshilik - Burynǵy vıtse-premer Teodoros Pangalos
ASTANA. 26 sáýir. QazAqparat - Grekııa basyna túsken kemshilik barshaǵa ortaq kemshilik.
Búgin Astanada ótip jatqan Eýrazııa medıa forýmy barysynda sóz sóılegen Grekııanyń burynǵy vıtse-premeri Teodoros Pangalos osylaı málim etti.
Jıyn barysynda óz pikirin ortaǵa salǵan saıasatker aldymen «Eýropalyq odaq kishi memleketter úshin qandaı basymdyq usyndy?» degen máselege toqtaldy. Onyń aıtýynsha, birinshi kezekte, Grekııamen kórshiles memleketterdiń barlyǵynda derlik óndiristik kórsetkishter artty.
«Ekinshiden, ónerkásiptik óndirisi, onyń ishinde ásirese Grekııadaǵy aýyl sharýashylyǵy artty, óıtkeni shynyn aıtý kerek, bizdiń elimiz buǵan deıin agroónerkásip keshenimen erekshelengen emes. Degenmen, Eýropalyq odaqta biz aýyl sharýashylyǵy ónimin eksporttaýǵa múmkindik aldyq. Endi halyqaralyq aýyl sharýashylyǵy naryǵynda bizdiń de ónim shyǵa bastady. Ortaq eýropalyq qorlar arqyly qarjylandyrylǵan jańa ınfraqurylym paıda boldy. Jalpy, biz qaperge almaǵan kemshilikter, tek grekterdiń basyndaǵy kemshilik emes, ol barshaǵa ortaq. Eń bastysy qarapaıym qaǵıdany ıaǵnı, ulttyq valıýta júıesinde qordalanyp jatqan aqsha men halyqtyń shekteýsiz tutynýy arasyndaǵy tepe-teńdikti saqtamaǵan memleket bir biz ǵana emespiz», - dedi Teodoros Pangalos.
