Grekııany jeńgen Qazaqstan fýtbolshylary Granatkın Memorıalynyń fınalyna ótti
ASTANA. QazAqparat - Qazaqstannyń fýtboldan jasóspirimder quramasy (18 jasqa deıin) Sankt-Peterborda ótip jatqan Granatkın Memorıaly týrnıriniń aqtyq synyna ótti, dep xabarlaıdy QazAqparat.
Jartylaı fınalda Aleksandr Kýznetsov baptaıtyn qazaqstandyq jas fýtbolshylar 18 qańtarda Grekııany 2:1 esebimen tize búktirdi. Qazaqstan sapynan Aıdos Oral dýbl avtory atandy.
Komanda kapıtany alǵashqy goldy 18-mınýtta penaltıden soqsa, ekinshi goldy oıyn barysynda 49-mınýtta saldy. Grekter sapynan Gıorgos Tsovras gol avtory atandy.
Match barysynda shabýylshy Janalı Paırýz eki sary qaǵaz alyp, 42-mınýtta alańnan qýylǵandyqtan, qazaqstandyq komanda az qurammen qalǵan bolatyn.
Osylaısha, Qazaqstan quramasy fınalǵa joldama alyp otyr. Endi olar 21 qańtarda, Astana ýaqytymen 22:00-de aqtyq synda Granatkın Memorıaly kýbogi úshin baq talastyrady. Onyń qarsylasy Reseı-Sankt-Peterbor quramalarynyń kezdesýinen soń anyqtalady.
Aıta ketý kerek, bul Qazaqstan jasóspirimderiniń Granatkın Memorıalyndaǵy eń úzdik kórsetkishi.
