Grekııany qalyń qar basyp qaldy

NUR-SULTAN. QazAqparat – Grekııanyń soltústik jáne ortalyq aýdandary qar astynda qaldy. «Medeıa» sýyq fornty elge aıaz, qar jáne kúshti jeldi alyp keldi, dep habarlaıdy QazAqparat Euronews-ke silteme jasap.

Eldegi joldarda kóktaıǵaq bolyp, qar basyp qalǵan. Keı aýdandarda qaýipsizdik úshin aýyr júk kólikteriniń qozǵalysyna tyıym salyndy. Júrgizýshiler kólik kabınasynda qonýǵa májbúr boldy. Bolgarııamen shekara jaqta ondaǵan júk kóligi tizilip turyp qaldy.

Mýnıtsıpaldy qyzmetter kóshelerdi tazalap úlgermeı jatyr. Bılik adamdarǵa asa qajettilik bolmasa úıden shyqpaýǵa keńes berdi.

Qazirgi ýaqytta sýyq front ońtústikke, ıaǵnı kıprge qaraı jyljyp barady. Alaıda, elde mundaı sýyq kún raıy áli de bir aptadaı saqtalmaq.