Grekııany buryn-sońdy bolmaǵan aıaz býyp tur
ASTANA. QazAqparat - Grekııanyń soltústik astanasy Salonıkıdegi aıaz rekordtyq kórsetkishke jetti - qatarynan tórt kún boıy sýyq býyp tur, dep málimdedi Arıstotel ýnıversıtetiniń meteorologııa jáne klımotologııa zerthanasynyń dırektory, professor Teodoros Karakostas.
«Sońǵy ret aýa temperatýrasynyń tómen kórsetkishi táýlik boıy saqtalǵan merzimi 1963 jyldyń qańtar aıynda tirkelgen. Aıaz úsh kún - 1963 jyldyń 23, 24 jáne 25 qańtarynda bolǵan. Qazir bizde tórt kún boıy aıaz býyp tur, besinshi kúnge sozylýy múmkin degen de boljam bar. Sol sebepti bul rekordtyq kórsetkish», - dedi ǵalym "Praktorıo FM 104,9" Afıny jańalyqtar agenttiginiń radıostansasyna bergen suhbatynda.
Karakostas sondaı-aq, Salonıkıdegi eń tómen temperatýra 1968 jyldyń 14 qańtar kúni - 12,6 gradýs Tselsııge jetkendigin málimdedi.
Sońǵy kúnderi qalada 8 gradýs aıaz. Jumada "Arıadna" antıtsıklony Sibirden Grekııaǵa aıazdar men qalyń qardy alyp kelgen. Keıbir óńirlerde tótenshe jaǵdaılar oryn aldy. 
