Grekııanyń jaǵalaý kúzeti 112 zańsyz mıgrantty qolǵa túsirdi

ASTANA. KAZINFORM - Grekııanyń jaǵalaý kúzeti Egeı teńizindegi Krıt jáne Gavdos araldaryna aıaldaǵan 112 zańsyz mıgrantty qolǵa túsirdi. Olardyń ishinde adam tasymaldaýmen aınalysqan 3 kúdikti de bar, dep habarlaıdy TASS.

Afına-Makedon aqparat agenttigi ANA-MPA-nyń habarlaýynsha, Krıttegi Kalon-Lımenon portynyń ákimshiligi Gortına mýnıtsıpalıtetindegi Trahýlas jaǵajaıynda ádettegiden tym kóp sheteldikterdiń júrgeni týraly habar alǵan. 

Oqıǵa ornyna kelgen Jaǵalaý kúzetiniń tártip saqshylary 44 mıgrantty (42 eresek adam, 2 bala) jáne qozǵaltqyshyna zaqym kelgen aǵash qaıyqty anyqtady. Ustalǵan adamdardy poltsııa araldyń ákimshilik ortalyǵy - Iraklıon qalasynyń portyna jetkizgen. 

Mıgranttar 2 qazan kúni Tobrýk qalasynan shyqqanyn, ózderin tasymaldaý úshin ár adam 9 myń eýrodan aqy tólegenin aıtqan. Polıtsııa top adamnyń ishinen zańsyz mıgranttardy tasymaldaýmen aınalysqan 31, 19 jáne 24 jastaǵy úsh adamdy anyqtady.

Odan bólek, Gavdostan 25 teńiz mıli qashyqtyǵynda portýgal týy ilingen BARBRO kemesinen taǵy 42 eresek adam qutqarylǵan. Olar da aralǵa jetkizilgen. Sondaı-aq, Gavdostaǵy Lýkadý jaǵajaıynan 26 sheteldik tabylǵan. Barlyq 68 adam Hanıa qalasynyń portyna jetkizildi. 

Qazir osy oqıǵaǵa baılanysty tergeý júrgizilip jatyr. 

Aqparatty Kazinform-ǵa áriptes TASS agenttigi arnaıy usyndy.