Grekııanyń Hıos pen Evbeıa araldarynda orman órti órshidi
ASTANA. KAZINFORM — Grekııanyń Hıos aralyndaǵy Vıkı aýdanynda orman alqabynan órt shyqty. Jalyndy aýyzdyqtaýǵa jerdegi órt sóndirý bólimshelerimen qatar eki órt sóndirý ushaǵy men úsh tikushaq jumyldyryldy. Bul týraly Kazinform Anadoly agenttigine silteme jasap habarlady.
Grekııanyń Azamattyq qorǵaý jónindegi bas hatshylyǵy órt bolǵan aımaqtaǵy turǵyndardyń uıaly telefondaryna shuǵyl habarlama jiberip, bılik ókilderiniń nusqaýlaryn oryndaýǵa úndedi.
Sonymen qatar Evbeıa aralyndaǵy Kato-Monokarıa eldi mekeni mańyndaǵy tabıǵı aýmaqta shyqqan órtti sóndirý jumystary jerden jáne áýeden júrgizilip jatyr.
Eske salaıyq, buǵan deıin Grekııadaǵy orman órtterinen 12 myń gektar jer órtenip, úsh órt sóndirýshi qaza tapqanyn habarlaǵanbyz.
Sonymen qatar Grekııada orman órtin sóndirý kezinde eki tikushaq áýede soqtyǵysqanyn jazǵan edik.
