Grekııanyń Hıos aralynda qaıyq apatynan 14 mıgrant kóz jumdy

ASTANA. KAZINFORM – Grekııanyń Hıos aralynda jaǵalaý kúzetiniń qaıyǵy mıgranttardyń qaıyǵymen soqtyǵysyp, 14 adam qaza tapty, dep habarlaıdy Kazinform euronews.com saıtyna silteme jasap.

Atalǵan oqıǵa seısenbi kúni keshke Hıos aralynyń jaǵalaýynda, Mırsınıdı jaǵajaıyna jaqyn jerde boldy. 

Jergilikti BAQ mıgranttar mingen qaıyq jaǵalaý kúzetimen soqtyǵysyp, kem degende 14 adam qaza taýyp, birneshe adam jaralanǵanyn habarlady. 

Politischios.gr saıtynyń habarlaýynsha, kontrabandashylardyń qaıyǵy jaǵalaý kúzetiniń qaıyǵyna soǵylýdan qashpaq bolyp, baǵytynan aýytqyp ketken. Jaǵalaý kúzetiniń resmı málimdemesinde 14 mıgranttyń máıiti tabylǵany rastaldy.

Sonymen qatar eki jaǵalaý kúzetshisi jaraqat alyp, olar Hıos jalpy aýrýhanasyna jetkizildi. Qutqarylǵan 24 sheteldik te evakýatsııalandy.

Іzdestirý-qutqarý operatsııasy iz-túzsiz joǵalǵandar týraly habarlar kelip túsip jatyr. Qaıyqta balalar da bolǵan. 

Bul oqıǵa Grekııadaǵy mıgranttar máselesiniń kúrdeliligin taǵy bir márte kórsetti.

Buǵan deıin de Grekııanyń Krıt jaǵalaýynda mıgranttar mingen qaıyq apatqa ushyrap, 18 adam kóz jumǵanyn jazǵan edik.