Grekııanyń Evbeıa aralynda magnıtýdasy 4,9 bolatyn jer silkinisi tirkeldi
ASTANA. KAZINFORM – Grekııanyń Evbeıa aralynda magnıtýdasy 4,9 bolatyn jer silkinisi boldy. Jerasty dúmpýleri Afına turǵyndaryna da sezilgen, dep habarlaıdy Euronews.
AQSh Geologııalyq qyzmetiniń málimetinshe, jer silkinisiniń oshaǵy Evbeıa aralyndaǵy Lımnı qalasynan ońtústik-shyǵysqa qaraı 6 shaqyrym jerde ornalasqan.
Dúmpýler shamamen 20 sekýndqa sozylyp, odan keıin birneshe mınýt ishinde birqatar aftershok tirkelgen.
Ǵalymdar aldaǵy eki táýlik boıy óńirdegi seısmıkalyq belsendilikti baqylap, jaǵdaıdy jan-jaqty baǵalamaq.
Jergilikti bıliktiń habarlaýynsha, araldyń keıbir bólikterinde kóshkin júrgen. Ázirge zardap shekkender týraly aqparat túsken joq.
Mamandardyń aıtýynsha, bul aımaq burynnan seısmıkalyq belsendiligi joǵary óńirlerdiń biri sanalady.
Aıta keteıik, Grekııadaǵy taýly aımaqtardaǵy qar jamylǵysy sońǵy 40 jylda eki eseden astam azaıǵan. Sarapshylardyń pikirinshe, bul eldiń jazǵy maýsymdaǵy sý qoryna áser etýi múmkin.
