Grekııalyq BAQ-tar «Astananyń» «rekordyna» tańǵalýda
ASTANA. QazAqparat - Gazzetta.gr portaly «Astana» - «Olımpıakos» (1:1) matchynan keıin qazaqstandyq komandanyń uzaqqa sozylǵan serııasyna nazar aýdardy, dep habarlaıdy QazAqparat Sports.kz-qa silteme jasap.
«Astana» fýtbol komandasy Eýropalyq kýboktardaǵy sońǵy 11 matchta jeńilis tappaı keledi - 5 jeńis jáne 6 teń oıyn. Bul aıtqysyz rekord! Osy serııadaǵy oıyndardyń qatarynda «Olımpıakospen» 1:1 bolyp teń túsken match ta bar. Ne degenmen, buǵan qaramastan, Grekııa chempıony toptaǵy birinshi oryn úshin baqtalastyǵyn jalǵastyra beredi», - dep jazdy basylym.
Aıta keteıik, «Astana» sońǵy ret óz alańynda 2014 jyldyń 21 tamyzynda jeńilis tapqan bolatyn - Eýropa Lıgasynda «Vılıarrealýmen» bolǵan oıyn 0:3 esebimen aıaqtaldy.
Eske sala keteıik, keshe elordada «Astana» «Olımpıakospen» oınady. Teń túsken match Eýropa Lıgasynyń toptyq kezeńiniń satysynda astanalyq komandaǵa ekinshi upaı alyp keldi. Birinshi upaıdy olar shveıtsarııalyq «ıAng Boızǵa» qarsy oınap alǵan bolatyn.
