Grekııalyq fermerler traktorlarymen narazylyq aktsııasyn ótkizdi

ASTANA. KAZINFORM — Fermerler memlekettik sýbsıdııalardaǵy sybaılas jemqorlyqqa baılanysty tergeý kezinde tólemderdiń keshigýin jedeldetýdi jáne óndiris shyǵyndaryn azaıtýǵa arnalǵan zańnamalyq sharalardy qabyldaýdy talap etti, dep habarlaıdy Anadoly.

Sońǵy birneshe apta boıy olar eldiń ártúrli aımaqtarynda joldardy jaýyp, úkimettiń nazaryn aýdarýǵa tyrysty.

Aktsııaǵa qatysýshylar Afıny qalasyndaǵy Sıntagma alańynda jınalyp, traktorlaryn parlament ǵımaraty aldynda tizip qoıdy.

Fermerlerge memlekettik jáne jeke sektor ókilderi, stýdenttik uıymdar jáne túrli qoǵamdyq birlestikter qoldaý kórsetti.

Sonymen qatar, aktsııaǵa Grekııa Kommýnıstik partııasynyń bas hatshysy Dımıtrıs Kýtsýmbas ta qatysty.

«Anadoly» agenttigine bergen suhbatynda Trıkala qalasynyń fermeri Antonıs Saras óndiris shyǵyndarynyń ósýi men ónimniń satyp alý baǵasynyń tómendigi saldarynan fermerlerdiń aýyr jaǵdaıda ekenin aıtty.

— Biz aılar boıy egistikte jumys isteımiz, biraq eńbegimizge laıyqty aqy almaımyz. Biz munda ózimizdi estirtý úshin keldik. Balalarymyzdyń bolashaǵy úshin, — dedi ol.

Osyǵan deıin byltyr grekııalyq temirjolshylar saladaǵy ózekti máselelerdi sheshýdi talap etip, el boıynsha 24 saǵattyq ereýilge shyqqanyn jazǵan bolatynbyz.