Grekııalyq Akıs Vavalıs «Jeńis» fýtbol klýbyna bas bapker boldy

ASTANA. KAZINFORM - Astanalyq «Jeńis» fýtbol klýbynyń bas bapkeri qyzmetine grekııalyq Akıs Vavalıs taǵaıyndaldy.

38 jastaǵy Akıs Vavalıs bapkerlik mansabyn 2011 jyly Grekııa sýperlıgasynda «Panserraıkos» klýby bas bapkeriniń kómekshisi retinde bastady. Odan keıin grekııalyq birqatar komandalarda eńbek etti. Sondaı-aq, shvetsııalyq «Vasalýnds», bolgarııalyq «Krýmovgrad» komandalarynyń bas bapkeri boldy. 

Budan buryn ol Kosovo sýperlıgasynda oınaıtyn «Drıta» klýbynyń tizginin ustady. Komanda aıalǵan mamannyń jetekshiligimen 16 match oınady. Chempıonatta kezdesý jáne ÝEFA Konferentsııa lıgasynyń irikteý kezeńinde 2 oıyn ótkizdi. Nátıjesinde 7 márte jeńiske jetip, 4-de teń tússe, 3-de jeńilis tapty.

Eske salsaq, budan buryn Levan Korgalıdze «Jeńis» fýtbol komandasynyń bas bapkeri qyzmetinen ketti.

Grýzııalyq maman astanalyq klýbqa 2024 jyldyń basynda bas bapker bolyp taǵaıyndalǵan edi. Onyń basshylyǵymen komanda toǵyz oıyn ótkizdi. Onyń ekeýinde jeńiske jetse, bireýinde teń túsip, qalǵanynda qarsylastaryna ese jiberdi. Sonyń saldarynan týrnır kestesinde jeti upaımen kósh sońynda tur.