Grekııadaǵy joıqyn jarylys: Qonaqúıdiń kúl-talqany shyqty

KASTORIıA. QazAqparat – Grekııanyń soltústigindegi Kastorııada bolǵan surapyl jarylys qonaqúıdi qıratty, dep habarlaıdy QazAqparat Ekathimerini saıtyna silteme jasap.

Zardap shekkender týraly áli habar joq.

Túngi saǵat 1.30-da bolǵan jarylys úsh qabatty ǵımaratty qıratyp, 80 metr radıýsta áınek synyqtary men metall zattardy shashyratty.

Oqıǵa ornyna Kastorııadan órt sóndirýshiler jiberildi, al polıtsııa qyzmetkerleri aýdandy qorshap, negizgi tasjoldaǵy qozǵalysty toqtatty.

Oblystyq órt sóndirý basqarmasy men Kastorııa polıtsııasy ǵımarattyń ishinde eshkim joq dep málimdedi.

Bılik jarylys sebebin áli aıtqan joq, alaıda oqıǵanyń mán-jaıyn anyqtaýǵa ýáde berdi.

Úsh juldyzdy Tsamis qonaqúıi Kastorııa – Afına – Salonıkı ulttyq tasjolynyń 4-shi shaqyrymynda, Kastorııa kóliniń janynda ornalasqan.